Akkur telur upp­gjör Festar fyrir annan árs­fjórðung ekki gefa til­efni til breytinga á kaupráðgjöf eða verðmati greiningar­fyrir­tækisins á félaginu. Verðmatið er áfram 516 krónur á hlut, en loka­gengi bréfa Festar var 314 krónur þegar greiningin var tekin saman. Verðmatið er því 64% yfir markaðs­genginu. Það var síðast upp­fært í febrúar. Upp­gjörið var í megin­at­riðum í takt við væntingar Akkurs og nokkuð betra á flestum helstu mæli­kvörðum. Rekstrar­hagnaður fyrir af­skriftir, EBITDA, nam 3,9 milljörðum króna og var 1,9% yfir spá greiningar­fyrir­tækisins. Hagnaðurinn nam 1,3 milljörðum og var 2,3% um­fram væntingar, þótt hann hafi dregist saman um 8,4% frá sama tíma­bili í fyrra. Sjá einnig Festi lækkar afkomuspána um hálfan milljarð Akkur segir þó neikvæðan tón hafa fylgt upp­gjörinu vegna þess að Festi lækkaði EBITDA-spá sína fyrir árið um 500 milljónir króna. Félagið gerir nú ráð fyrir 16 til 16,5 milljarða króna EBITDA, en fyrri spá Akkurs hljóðaði upp á tæpa 16,7 milljarða og var því komið yfir efri mörk nýs spábils. Telur lækkunina ekki varan­lega Akkur telur lækkun af­komu­spárinnar fyrst og fremst endur­spegla tíma­bundinn þrýsting á fram­legð af elds­neytissölu en ekki varan­lega veikingu í rekstri sam­stæðunnar. Greiningar­fyrir­tækið segir kjarna­rekstur dag­vöru ganga betur en áætlanir gerðu ráð fyrir og telur áhrif upp­gjörsins á virði Festar tak­mörkuð, einkum með hlið­sjón af þeim mun sem er á verðmati þess og markaðs­gengi. Akkur lækkar þó EBITDA-spá sína fyrir árið úr 16,7 milljörðum í 16,3 milljarða króna. Spá um hagnað ársins er færð niður um 8%, úr 6,15 milljörðum í tæpa 5,7 milljarða. Frekara endur­mat gæti komið til ef fram­legð af elds­neyti reynist enn lakari á seinni hluta ársins en ný spá Festar gerir ráð fyrir eða ef mikil fjár­binding í rekstrinum gengur ekki til baka. Krónan sterk þrátt fyrir lokun í Lindum Akkur telur rekstur Krónunnar standa upp úr í upp­gjörinu. Sala verslunar­keðjunnar jókst um 8,1% frá fyrra ári og EBITDA um 9,7%, í tæpa 1,7 milljarða króna. Árangurinn náðist þrátt fyrir að verslun Krónunnar í Lindum, stærstu verslun keðjunnar, hafi verið lokuð í níu vikur vegna endur­bóta. Akkur segir lokunina hafa skilið eftir sig mun minni spor í upp­gjörinu en ætla hefði mátt. Í upp­gjöri Festar kom fram að tekjur af dag­vörusölu hefðu aukist um 6,5% á fjórðungnum. Fram­legð dag­vöru jókst um 7,8% og fram­legðar­hlut­fallið hækkaði um 0,3 pró­sentu­stig frá fyrra ári. Sjá einnig Tíma­bundin lokun Krónunnar vegur á af­komu Festi Akkur segir lokunina hafa skilið eftir sig mun minni spor í upp­gjörinu en ætla hefði mátt. Í upp­gjöri Festar kom fram að tekjur af dag­vörusölu hefðu aukist um 6,5% á fjórðungnum. Fram­legð dag­vöru jókst um 7,8% og fram­legðar­hlut­fallið hækkaði um 0,3 pró­sentu­stig frá fyrra ári. Að mati Akkurs gengur kjarnarekstur dagvöru betur en áætlanir gerðu ráð fyrir og vegur sterk afkoma Krónunnar á móti veikleikanum í eldsneytissölunni. Fram­legð ELKO batnaði en Lyfja gaf eftir ELKO skilaði einnig betri fram­legð en árið áður. Sala jókst aðeins um 1% en fram­legð jókst um 8,2% og fram­legðar­hlut­fallið hækkaði um 1,8 pró­sentu­stig, í 28%. EBITDA ELKO stóð nánast í stað og nam 425 milljónum króna. Af­koma Lyfju var veikari. Sala jókst um 6,6% en EBITDA dróst saman um 13%, í 341 milljón króna. Akkur telur mikilvægt að fá skýrari mynd af því hvort sam­drátturinn skýrist einkum af verð­tak­mörkunum, breytingum á vöru­sam­setningu eða hækkandi kostnaði og hvernig fram­legðin muni þróast á seinni hluta ársins. Tekju­vöxturinn að stórum hluta verðdrifinn Sala Festar nam 46,3 milljörðum króna á öðrum árs­fjórðungi og var 3,6% yfir spá Akkurs. Tekjurnar jukust um 6,4% frá sama tíma í fyrra. Akkur bendir þó á að stór hluti aukningarinnar skýrist af hærra elds­neytis­verði, gengis­breytingum og breytingum á opin­berum gjöldum. Leiðrétt fyrir þessum þáttum nam undir­liggjandi tekju­vöxtur aðeins um 1%, á sama tíma og rekstrar­kostnaður jókst um 7%. Fram­legð af elds­neytis- og raf­magns­sölu dróst saman um 2,6% og fram­legðar­hlut­fallið lækkaði úr 22,4% í 20%. Selt magn elds­neytis minnkaði jafn­framt um 4,3%, einkum vegna minni sölu til stór­not­enda. Akkur segir sam­drátt fram­legðar milli ára allan liggja í elds­neytissölunni. Hækkun heims­markaðsverðs um 50–85%, eftir tegundum, jók tekjur en þrýsti jafn­framt á fram­legð og leiddi til lækkunar af­komu­spár Festar. Bíður þess að fjár­bindingin gangi til baka Sjóð­streymi og aukin skuld­setning eru meðal þeirra þátta sem Akkur telur að fylgjast þurfi sér­stak­lega með. Hand­bært fé frá rekstri nam 287 milljónum króna á öðrum árs­fjórðungi, saman­borið við 5,2 milljarða á sama tíma í fyrra. Nettó vaxta­berandi skuldir jukust um 6,3 milljarða frá áramótum og námu 39,2 milljörðum, eða 2,4 sinnum EBITDA. Festi segir þróunina að mestu skýrast af aukinni fjár­bindingu í elds­neytis­birgðum og við­skipta­kröfum vegna hækkunar elds­neytis­verðs. Félagið gerir ráð fyrir að hún gangi til baka þegar verð lækkar. Akkur telur þá skýringu trúverðuga að svo stöddu en segir að endur­meta þurfi for­sendurnar ef fjár­bindingin reynist varan­leg. Greiningar­fyrir­tækið heldur því kaupráðgjöf sinni óbreyttri og telur veik­leikann í upp­gjörinu fyrst og fremst bundinn við tíma­bundnar aðstæður á elds­neytis­markaði. Verðmatið er áfram 516 krónur á hlut, eða 64% yfir markaðs­genginu við út­gáfu greiningarinnar.