Gunnþór Ingva­son, fram­kvæmda­stjóri Síldar­vinnslunnar, segir mikla hækkun á verði fiski­mjöls og lýsis geta stutt við af­komu ís­lenskra sjávarút­vegs­fyrir­tækja, en bendir jafn­framt á að þróunin hafi áhrif á sam­keppni milli mann­eldis- og fóður­markaða. „Það er út­lit fyrir það, já. En það sem er að gerast núna, eins og við erum að sjá í Noregi, er að meira af síldinni hefur farið í mjöl- og lýsis­vinnslu en áður af markaðinum. Það er margt sem spilar inn í,“ segir Gunnþór í sam­tali við Við­skipta­blaðið, spurður hvort verðhækkunin hafi jákvæð áhrif á af­komu sjávarút­vegs­fyrir­tækja. „Mann­eldis­markaðurinn þarf þá að hækka til að geta keppt við fóður­markaðinn. Þetta kol­munni, síldin, loðnan og svo fram­vegis,“ segir Gunnþór. Alþjóðlegt verð á fiskimjöli hefur hækkað skarpt að undanförnu vegna mikils samdráttar í ansjósuveiðum við vesturströnd Suður-Ameríku. Samkvæmt umfjöllun Bloomberg hefur verð fiskimjöls hækkað um 80% á einu ári og var komið í 2.990 dali á tonn í lok júní. Það er hæsta verð sem mælst hefur. Ástæðan er fyrst og fremst skortur á ansjósu, sem er ein mikilvægasta hrávaran í framleiðslu fiskimjöls og fiskilýsis. Veiðar hafa raskast vegna El Niño, sem hefur áhrif á sjávarhita og næringarríkt uppstreymi við strendur Perú, Ekvador og Chile. Perúsk stjórnvöld stöðvuðu ansjósuveiðar tímabundið í maí og bannið hefur síðan verið framlengt. Hækkunin skiptir ís­lensk sjávarút­vegs­fyrir­tæki máli. Brim, Síldar­vinnslan og Ís­félagið fram­leiða öll mjöl og lýsi úr upp­sjávar­fiski og geta notið góðs af hærra heims­markaðsverði, ekki síst þegar loðnu­vertíð er góð og mikið hráefni fer í bræðslu. Síldar­vinnslan fram­leiddi 8.371 tonn af mjöli og lýsi á fyrsta árs­fjórðungi og tók á móti 35.660 tonnum af hráefni í fiski­mjöls­verk­smiðjur sínar, þar af 21.617 tonnum af loðnu og 13.988 tonnum af kol­munna. Félagið sagði loðnu­vertíðina góða eftir tvö slök ár og að mikið hefði verið fram­leitt af loðnu­afurðum. Brim vann úr 30.658 tonnum í fiski­mjöls­verk­smiðjum sínum á fyrsta árs­fjórðungi, saman­borið við 17.916 tonn á sama tíma í fyrra. Af­koma upp­sjávar­sviðsins batnaði veru­lega milli ára og nam rekstrar­hagnaður sviðsins 17,1 milljón evra, saman­borið við 1,5 milljónir evra á fyrsta árs­fjórðungi í fyrra. Ís­félagið fram­leiddi um 5.600 tonn af mjöli og lýsi á fyrsta árs­fjórðungi. Félagið sagði hagnað tíma­bilsins meðal annars mega rekja til góðrar loðnu­vertíðar, góðra afla­bragða frysti­togarans Sól­bergs og hás verðs á helstu af­urðum. Fiski­mjöl og fiskilýsi eru þó einnig mikilvæg hráefni í fóður fyrir fisk­eldi og fóður er stærsti ein­staki kostnaðar­liðurinn í lax­eldi. Hærra verð á þessum hráefnum getur því þrýst á fram­legð eldis­fyrir­tækja, nema hækkunin skili sér áfram út í af­urða­verð. Fyrir ís­lenskan sjávarút­veg felur þróunin í sér meðbyr á verðhliðinni, sér­stak­lega hjá félögum með sterka stöðu í upp­sjávar­vinnslu. Fyrir fisk­eldi er sama þróun hins vegar áminning um að fóður­kostnaður getur hækkað hratt þegar röskun verður á hráefnis­mörkuðum langt frá Ís­landi. Sjá einnig Verð á fiski­mjöli í hæstu hæðum