Hag­vöxtur mældist 2,7% á fyrsta árs­fjórðungi sam­kvæmt fyrsta mati Hag­stofunnar og var nokkru meiri en ýmsar vís­bendingar um kólnandi hag­kerfi hefðu gefið til­efni til. Í nýrri Hag­s­já Lands­bankans segir að hag­vöxturinn hafi að stórum hluta verið drifinn áfram af jákvæðu fram­lagi utan­ríkis­við­skipta. Þar skipti þróun í kringum gagna­ver mestu máli. Miklar fjár­festingar í gagna­verum á síðasta ári leiddu þá til tölu­verðs inn­flutnings á tölvu­búnaði og höfðu neikvæð áhrif á fram­lag utan­ríkis­við­skipta. Nú hafi dregið veru­lega úr slíkum inn­flutningi á sama tíma og gagna­verin séu farin að skila um­tals­verðum vexti í þjónustuút­flutningi. Þessi viðsnúningur skýrir að mati Lands­bankans stóran hluta hag­vaxtarins á fjórðungnum. Fram­lag utan­ríkis­við­skipta til hag­vaxtar var jákvætt um 5,3 pró­sentu­stig, sem bankinn lýsir sem al­gjörum viðsnúningi frá síðasta ári. Vöru­inn­flutningur dróst saman, einkum vegna þess að mun minna var flutt inn af tölvu­búnaði tengdum gagna­verum en á sama tíma í fyrra. Út­flutningur jókst í heild um 1%. Þar dróst vöruút­flutningur saman um tæp 4%, meðal annars vegna minni ál­fram­leiðslu í kjölfar bilunar í ál­verinu á Grundar­tanga, en þjónustuút­flutningur jókst um tæp 7%. Lands­bankinn segir þann vöxt að mestu skýrast af auknum um­svifum gagna­vera hér á landi. Einka­neysla studdi einnig við hag­vöxtinn, þótt hægt hafi á vextinum. Hún jókst um 2,2% á fyrsta fjórðungi, en til saman­burðar jókst einka­neysla um 4,3% á árinu 2025 í heild. Þetta var sjöundi árs­fjórðungurinn í röð sem einka­neysla jókst á milli ára. Erlend kortavelta jókst Lands­bankinn bendir á að sam­kvæmt Hag­stofunni hafi aukning orðið í bíla­kaupum heimila á fjórðungnum, þrátt fyrir að nýskráningar fólks­bíla til ein­stak­linga hafi dregist saman um 14% sam­kvæmt tölum Bíl­greina­sam­bandsins. Þá hafi út­gjöld Ís­lendinga á ferðalögum er­lendis einnig aukist, þótt utan­lands­ferðum Ís­lendinga hafi fækkað um 7% á sama tíma­bili sam­kvæmt talningu Ferðamál­stofu. Bankinn segir að hluti skýringarinnar gæti verið aukin er­lend net­verslun Ís­lendinga. Korta­velta Ís­lendinga í heild hafi aukist í takt við vöxt einka­neyslunnar. Í ný­legri hag­spá Lands­bankans var gert ráð fyrir að vöxtur einka­neyslu yrði mun hægari á árinu í heild, eða 0,4%. Þótt lands­fram­leiðsla hafi aukist tals­vert á fyrsta fjórðungi telur Lands­bankinn að undir­liggjandi myndin bendi engu að síður til þess að hag­kerfið sé að kólna. Fjár­muna­myndun dróst saman á fjórðungnum, þar á meðal íbúða­fjár­festing, og hægt hefur á vexti einka­neyslu. Þá hafi ný­legar korta­veltutölur fyrir apríl sýnt mikinn sam­drátt. „Þetta eru vís­bendingar um að hag­kerfið sé að kólna þrátt fyrir nokkuð mikinn vöxt lands­fram­leiðslu í heild á fjórðungnum,“ segir í Hag­s­jánni. Lands­bankinn spáir 1,7% hag­vexti á árinu. Í ljósi 2,7% hag­vaxtar á fyrsta fjórðungi segir bankinn að hag­vöxtur megi aukast lítið það sem eftir lifir árs til að sú spá gangi eftir. Bankinn telur lík­legt að vöxturinn verði minni á næstu fjórðungum, sér­stak­lega ef nýjustu korta­veltutölur gefi rétta vís­bendingu um fram­haldið. Sjá einnig Hag­vöxtur meiri en vænst var á fyrsta fjórðungi Niður­staðan er því tvíþætt. Hag­vöxtur á fyrsta fjórðungi reyndist þokka­legur og gagna­verin virðast farin að skila sér í auknum út­flutnings­tekjum eftir mikinn inn­flutning í upp­byggingarfa­sanum. Á sama tíma benda sam­dráttur í fjár­festingu og hægari vöxtur einka­neyslu til þess að hag­kerfið sé að missa eitt­hvað af fyrri krafti.