Ávöxtunar­krafa ríkis­skulda­bréfa í evruríkjunum lækkaði við upp­haf við­skipta í morgun sam­hliða veru­legri lækkun olíu­verðs og sam­bæri­legum hreyfingum á bandaríska skulda­bréfa­markaðinum. Þróunin kom í kjölfar þess að Donald Trump Bandaríkja­for­seti dró úr líkum á frekari hernaðar­upp­tröppun gagn­vart Íran og lagði aukna áherslu á diplómatískar leiðir til að opna Hor­mússund á ný. Brent-hráolía lækkaði um 4,8% í við­skiptum Asíu í nótt og fór niður í 92,14 dali á tunnu. Ávöxtunar­krafa tíu ára þýskra ríkis­skulda­bréfa lækkaði um 3,5 punkta í 3,134%. Grein­endur Commerz­bank telja að þýsk skulda­bréf geti náð frekari stöðug­leika, en ávöxtunar­krafan hafi mætt mót­stöðu í kringum 3,21%, sem er hæsta gildi ársins. Á bandaríska markaðinum lækkaði ávöxtunar­krafa ríkis­skulda­bréfa einnig á öllum helstu gjald­dögum. Krafa á tveggja ára bréf lækkaði um 3,7 punkta í 4,292%, á tíu ára bréf um 4,9 punkta í 4,629% og á þrjátíu ára bréf um 4,4 punkta í 5,117%. Fjár­festar bíða jafn­framt vaxtaákvörðunar bandaríska seðla­bankans á mið­viku­dag. Í Evrópu er markaðurinn hins vegar nær búinn að verð­leggja vaxta­hækkun hjá Seðla­banka Evrópu í septem­ber. Þróunin kom eftir að Donald Trump Bandaríkja­for­seti dró úr líkum á frekari hernaðarað­gerðum gegn Íran og lagði aukna áherslu á samninga­viðræður um að opna Hor­mússund á ný.