Einn leikur var í Bestu deild karla í kvöld. Fram gerði góða ferð á Akranes og vann ÍA með tveimur mörkum gegn engu. Atli Þór Jónasson skoraði bæði mörk Fram í fyrri hálfleiknum. Fram er nú með 26 stig eftir 12 leiki og er tveimur stigum á eftir KR, sem er í öðru sæti deildarinnar. Fram á leik til góða og getur því komist upp fyrir Vesturbæinga með sigri í þeim leik. Enn er þó talsvert í topplið Víkings sem er langefst með 37 stig. Framarar fljúga hátt í Bestu deildinni um þessar mundir.Mummi Lú