Ída Marín Hermannsdóttir skoraði mark FH í kvöld.RÚV / Mummi Lú Níundu umferð Bestu deildar kvenna í fótbolta lauk í kvöld með tveimur leikjum sem báðir enduðu 1-1. Annars vegar skildu Grindavík/Njarðvík og Víkingur jöfn. Þar kom Maci Nicole Teater suðurnesjaliðinu yfir en Freyja Stefánsdóttir jafnaði fyrir Víking. Þá gerðu FH og Valur einnig 1-1 jafntefli. Ída Marín Hermannsdóttir kom FH yfir en Nadía Atladóttir skoraði jöfnunarmark Vals. FH mistókst því að endurheimta toppsæti deildarinnar og er nú með 20 stig í 2. sæti, stigi á eftir Breiðabliki sem er í efsta sætinu.