Leikur Ekvador og Curaçao var markalaus 0-0. Curaçao komst þó á spjöld fótboltasögunnar því það fékk eitt stig eftir leikinn sem er fyrsta stig sem landslið eyríkisins fær á heimsmeistaramóti í fótbolta. Liðin leika í E-riðli á HM karla í fótbolta og mættust á leikvanginum í Kansas í Bandaríkjunum í nótt. Það voru engin rauð spjöld í leiknum en gul spjöld flugu á loft sex sinnum. Þar af fengu liðsmenn Curaçao fimm þeirra. Curaçao-búar áttu góðan varnarleik en Ekvadorar gerðu alls 28 tilraunir til að skora mark á móti tíu tilraunum Curaçao. Ekvador og Curaçao eru jöfn í riðlinum með eitt stig eftir leikinn. Þjóðverjar leiða riðilinn með 6 stig og Fílabeinsstrendingar eru með þrjú stig. Næsti leikur Ekvador er á fimmtudag á móti Þýskalandi. Curaçao mætir Fílabeinsströndinni einnig á fimmtudag.