Þegar fréttateymi Kastljóss kom í Hrísey vorið 1978 voru þar fjórir ungir drengir sem voru töluvert áhugasamir um erindagjörðir þeirra. Þetta voru Anton Steinarsson, Þröstur Jóhannsson, Sigmar Friðbjörnsson og Hrannar Björn Friðbjörnsson. Þeir voru spurðir út í lífið í eynni, hvort þeir hygðust búa þar alla ævi og við hvað þeir ætluðu að vinna í framtíðinni. Strákarnir gáfu ýmis skemmtileg svör og virtust lítið feimnir við myndavélina. Landinn hitti fjórmenningana í Hrísey og endurtók viðtalið undir sama húsvegg. Landinn er á dagskrá á sunnudagskvöldum kl. 19.45.