Topplið Víkings í Bestu deild karla í fótbolta er komið aftur á sigurbraut eftir fyrsta tap sitt í deildinni á tímabilinu í síðustu umferð. Liðið hafði nokkuð örugglega betur gegn Keflavík í kvöld 5-1. Víkingar voru 2-0 yfir í hálfleik en Keflavík minnkaði muninn með marki frá Þorláki Breka Baxter strax í upphafi seinni hálfleiks. Víkingar svöruðu hins vegar með þremur mörkum til viðbótar og lokatölur 5-1. Karl Friðleifur Gunnarsson skoraði fyrsta mark Víkinga í kvöld.RÚV / Mummi Lú 16. umferðin klárast á sunnudag og mánudag en næsta verkefni Víkinga er seinni leikurinn við ísraelska liðið Haopel Beer-Sheva í undankeppni Meistaradeildarinnar á miðvikudag.