Markalausi leikurinn var viðureign FH og Breiðabliks í Kaplakrika. Í Keflavík var hins vegar mikið fjör. Heimamenn tóku á móti ÍA og unnu þann leik með fimm mörkum gegn tveimur. 2-0 stóð í leikhléi. ÍA hefur nú tapað fimm leikjum í röð og er í 9. sæti, stigi á undan KA. Keflavík jafnaði við Val að stigum með sigrinum. Liðin eru með 19 stig hvort í 5. og 6. sæti en Keflavík á leik til góða. Þrátt fyrir stigið gegn Breiðabliki er FH áfram í fallsæti. Þeir eru með 12 stig í næstneðsta sæti, tveimur frá KA. Breiðablik er eftir sem áður í 4. sæti, nú með 26 stig, 7 á eftir Fram Mörkin í Keflavík-ÍA: 1-0 Þorlákur Breki Þ. Baxter 33' 2-0 Eiður Orri Ragnarsson 35' 3-0 Stefán Alexander Ljubicic 51' (víti) 4-0 Eiður Orri Ragnarsson 54' 4-1 Viktor Jónsson 57' (víti) 5-1 Muhamed Alghoul 87' 5-2 Markús Páll Ellertsson 90+1' Sterkur sigur suðurnesjakvenna Í Bestu deild kvenna tók Grindavík/Njarðvík á móti Þrótti. Heimakonur unnu þann leik 4-2 og sigurinn skaut þeim upp töfluna. Santa Sanija Vuskane var hetja heimakvenna í kvöld því hún skoraði þrennu. Grindavík/Njarðvík er núna með 15 stig og fóru þær úr 8. sæti í það 5., upp fyrir Þrótt sem féll í 6. sæti. Mörkin í Grindavík/Njarðvík-Þróttur: 0-1 Þórdís Nanna Ágústsdóttir 8' 1-1 Hildur Katrín Snorradóttir 44- 1-2 Kristrún Ýr Holm 51' 2-2 Santa Sanija Vuskane 68' 3-2 Santa Sanija Vuskane 81' 4-2 Santa Sanija Vuskane 83'