Eldur kom upp í íbúðarhúsi í Drammen í Noregi síðdegis í dag. Eldurinn hefur dreift sér hratt út til nærliggjandi húsa og er enn mikill viðbúnaður slökkviliðs á staðnum. Ekki hefur enn náðst að ráða niðurlögum eldsins. NRK greinir frá. Tilkynnt var um eld í íbúðarúsi klukkan hálf fjögur á staðartíma í Noregi síðdegis. Samkvæmt upplýsingum frá slökkviliði á vettvangi er erfitt að eiga við eldinn og hefur hann breiðst út til nærliggjandi húsa. Sprengingar heyrast á vettangi og er fólk beðið um að halda sig fjarri. Upptök eldsins eru enn ókunn. Fréttin verður uppfærð.