Búið er að hreinsa málninguna af tröppunum við Grafarvogskirkju. Í gænótt var málað yfir hinsegin fánann á tröppum Grafarvogskirkju með þeim íslenska. Skemmdarverkið sem unnið var á tröppunum fyrir utan Grafarvogskirkju í nótt hefur verið tilkynnt til lögreglu sem rannsakar hvort um hatursglæp sé að ræða. Arna Ýrr Sigurðardóttir, sóknarprestur í Grafarvogskirkju sagði í samtali við fréttastofu í gær að á næstu dögum ætli kirkjan að safna saman fólki til að mála regnbogafánann aftur á tröppurnar.