Innlent | mbl | 23.6.2026 | 6:00 Draga úr tölvunotkun og snúa aftur í bækurnar Ómar setur einnig spurningarmerki við hversu litlu er varið í námsbækur fyrir hvern nemanda á Íslandi í samanburði við önnur ríki Norðurlanda. Samsett mynd/mbl.is/Hari/Anton Brink/Reykjavíkurborg Brynhildur Glúmsdóttir [email protected] Setja bókamerki Tengdar fréttir Skólakerfið í vanda Bregðast við og bíða ekki eftir ráðherra Segir „ömmuna“ ekki rata um höfin Dæmið gengur ekki upp Fékk þau svör að þetta væri ekki löglegt Enn einn plásturinn á „opið blæðandi sár“ » Fleiri tengdar fréttir Stjórnendur Hagaskóla hafa ákveðið að hverfa frá því fyrirkomulagi sem ríkt hefur um notkun stafrænna tækja í skólanum. Seinustu ár hefur hverju barni í skólanum verið afhent Chromebook-tölva við upphaf 8. bekkjar, sem þau hafa til umráða til útskriftar úr tíunda bekk, bæði í skólanum og heima við. Ómar Örn Magnússon, skólastjóri Hagaskóla, segir að nú verði veruleg breyting á. Aðgengi að tækjunum verði í raun snúið við þar sem nemendur muni í haust ekki lengur hafa val um hversu mikið þeir geta nýtt tækin og í hvað. Þess í stað stjórni kennarar því alveg. Frétt af mbl.is Varhugaverð innleiðing í skólunum Kennararnir tóku ákvörðunina „Fyrir utan þessa praktík hvernig við höldum utan um tækin – aðgengi og ábyrgð nemenda á þeim, munu nemendur í meira mæli vinna með blað og penna, vinnubækur og lestrarbækur. Lesefnið verður þá á þannig formi, en ekki á PDF og skjám.“ Munu börnin til dæmis meira vinna á blaði og skila verkefnum með þeim hætti. Kennarar skólans tóku ákvörðun um breytingarnar í vetur en þær taka þó ekki gildi fyrr en á nýju skólaári. „Við stígum ekki skrefið fyrr en næsta haust því þetta er töluverð breyting, líka í skipulagi námsins yfir skólaárið. Það er erfitt að skipta um hest í miðri á í vetur og hverfa frá tækjunum á miðju skólaári þegar kennarar eru búnir að skipuleggja og setja allt skipulagið upp í tölvuumhverfinu.“ Frétt af mbl.is Leikskólarnir kyndi undir skjánotkuninni Ekkert breyst í því hvernig maðurinn lærir Hann segir starfsfólk skólans hafa velt því fyrir sér í rúmt ár hvort það sé endilega heppilegast að nemendur séu alltaf með sitt eigið tæki. „Stærstu faglegu rökin sem við höfum verið að tala um, og notum við þessa ákvörðun, eru að við trúum því og höfum bara verið að kynna okkur rannsóknir á því hvernig við lærum,“ segir Ómar. „Við erum sammála þeim sálfræðipælingum að það hafi í raun í grundvallaratriðum ekkert breyst á síðustu árum hvernig maðurinn lærir og það eru bara ýmiss konar rannsóknir sem byggjast á hugmyndum um tengingu huga og handar, þá erum við að tala um ritun.“ Segir hann einnig mikið hafa verið fjallað um ýmsar hugmyndir um hvernig við lærum betur af lestri á þrívíðu formi, það er að segja bókum, frekar en á tvívíðum skjá þar sem við skrunum einfaldlega niður. „Það tengist líka umræðunni um námsbækur og útgáfu námsbóka, sem því miður hefur færst svolítið á PDF-form sem hentar okkur ekki.“ Frétt af mbl.is Námsgögn fjársvelt í áratugi Frétt af mbl.is Grátbáðu ráðuneytið um peninga án árangurs Námið lokað inni í einhverjum tölvum Ómar segir breytinguna einnig tengjast hugmyndum um að nám nemenda við skólann verði opnara. Það sé mikilvægt fyrir bæði nemendur og foreldra, þar sem námsefnið sé ekki á bak við læst kerfi sem þarf að opna með lykilorði. „Vegna þess að við trúum því að það skipti mjög miklu máli að foreldrar geti verið, og séu, virkir þátttakendur í námi barna sinna, en við heyrum frá foreldrum að nú sé búið að loka nám barnanna inni í einhverjum tölvum sem eru með lykilorðum nemenda og krakkar séu ekki lengur að koma heim með námsbækurnar og sýna foreldrum og fá aðstoð þannig. Það skiptir líka máli.“ Ómar segir að enn verði hægt að nálgast Chromebook-tölvur í skólanum. Kennarar skólans munu halda utan um tölvurnar en nemendurnir fá ekki að taka þær aftur heim. Ómar segir starfsfólk skólans hafa velt því fyrir sér í rúmt ár hvort það sé endilega heppilegast að nemendur séu alltaf með sitt eigið tæki. Mynd úr safni. mbl.is/Eyþór Hafa fengið ábendingar frá foreldrum „Við höfum líka fengið ábendingar frá foreldrum þar sem þeir hafa sett ákveðnar reglur á heimilinu um að skjátími sé svona og svona, og svo bara sendir skólinn barnið með tölvu heim sem barnið er alltaf með,“ segir skólastjórinn. „Það er bara þannig að það var bylgja þessara hugmynda, ekki bara á Íslandi, þar sem nemendur hafa verið með sín tæki og það hafa bara mjög margir viljað fylgja þeirri bylgju en svo eru nú að koma fram rannsóknir sem sýna fram á ógagnsemi þess en ekki bara gagnsemi.“ Frétt af mbl.is Sonurinn tók að koma heim með falleinkunnir Til umhugsunar fyrir skólayfirvöld Ómar setur einnig spurningarmerki við hversu litlu er varið í námsbækur fyrir hvern nemanda á Íslandi í samanburði við önnur ríki Norðurlanda. „Það er svo sem alveg líka umhugsunarvert, án þess að ég ætli að fara að segja öðrum fyrir verkum, eða Reykjavíkurborg, að ég meina, augljóslega kostar peninga að útvega öllum nemendum tæki. Við erum að tala um að á Íslandi fari átta þúsund krónur í námsbækur á ári fyrir hvern nemanda, sem á Norðurlöndunum er 35-40 þúsund á nemanda. Við vitum alveg hvað svona tölvur kosta, þannig það er alveg til umhugsunar hvort þessum peningum væri betur varið í námsbækur en námstæki.“ Frétt af mbl.is „Ástandið í íslenskum skólum er grafalvarlegt“ Allar bækurnar einungis til á PDF-formi Segir hann augljóst að ráðast þurfi í námsgagnaátak. „Ég held að allir séu sammála um það. Það er í raun og veru þannig að við höfum ekki val um námsefni eiginlega í neinum námsgreinum. Núna erum við að panta bækur fyrir næsta skólaár og nemendur verða ekki með stærðfræðibækurnar sínar í Chromebook-tölvunum heldur verða þeir að vera með bækur.“ Ómar bendir á að allar bækur sem börnin þurfi séu ekki til útprentaðar, heldur aðeins aðgengilegar á PDF-formi. Nú muni skólinn krefjast þess að yfirvöld bæti sig í námsefnisútgáfu. Frétt af mbl.is Enginn mætti frá ríkisstjórninni Frétt af mbl.is Víðir vill ekki tjá sig „Við tökum alveg eftir því, eins og PISA-niðurstöður benda til, að lesskilningi og færni nemenda í tungumálinu hefur farið aftur og við viljum gera það sem við getum gert til þess að snúa því við.“ mbl.is/Hari Ekki markmið að námið sé þægilegt Aðspurður segist hann ekki hafa fundið fyrir mótbyr frá nemendum hvað varðar breytinguna. Nemendur hafi þó talað um að til dæmis sé þægilegt að skila verkefnum í gegnum tölvur. „Það er líka mjög þægilegt fyrir kennara að halda utan um verkefnin í tölvum,“ segir skólastjórinn. „En við verðum samt að vera meðvituð um að það er ekki markmið í sjálfu sér að námið sé þægilegt, það þarf einmitt að vera svolítil áskorun í því. Það á alveg að vera pínu erfitt stundum og þau eiga að þurfa að hafa fyrir því að ná árangri í náminu.“ Frétt af mbl.is Hafna kröfum foreldra um minni skjátíma Leitast eftir betri árangri með breytingunum Spurður hvað kennarar og skólastjórnendur búist við að sjá með breytingunni segir Ómar allar breytingar innan skólans gerðar svo nemendur nái góðum árangri. Stóra verkefnið sé að tryggja að nemendur hafi góð tök á tungumálinu og til þess þurfi nemendur að hafa góða færni í læsi og lesskilningi. „Þá þurfa nemendur að lesa langa samfellda texta, ekki bara stuttar glósur og samantektir heldur lesa lengri texta. Svo viljum við að foreldrar hafi eins góðar forsendur og mögulegt er til að taka þátt í námi barna sinna og auðvitað er margt sem við getum gert í því annað en að færa nám barna yfir í bækur. Við tökum alveg eftir því, eins og PISA-niðurstöður benda til, að lesskilningi og færni nemenda í tungumálinu hefur farið aftur og við viljum gera það sem við getum gert til þess að snúa því við.“ Frétt af mbl.is Skólayfirvöld axli ábyrgð Frétt af mbl.is Ráðuneytið skautar fram hjá óþægilegri staðreynd Tengdar fréttir Skólakerfið í vanda Bregðast við og bíða ekki eftir ráðherra Segir „ömmuna“ ekki rata um höfin Dæmið gengur ekki upp Fékk þau svör að þetta væri ekki löglegt Enn einn plásturinn á „opið blæðandi sár“ » Fleiri tengdar fréttir Blogga um frétt Nýjast á mbl.is » Hitinn gæti náð 16 stigum Kaupmáttur aukist Vita ekki hverjir skulda Andlát: Ingimar Sveinsson Hildur Vala stofnar fyrirtæki Umræðan Geimöldin í ísskápnum „Þið vitið fullkomlega hvað er í pakkanum“ Meira í Umræðunni » Fleira áhugavert Draga úr tölvunotkun og snúa aftur í bækurnar Flugvirkjar: „Ekkert hægt að fullyrða um aðgerðir“ Dregið verulega úr banaslysum Norðmenn fylgjast grannt með íslenskri umræðu Mest lesið Í gær Í vikunni Nafn mannsins sem lést í slysinu austan Víkur Vopnfirðingar fá veglega gjöf frá Ratcliffe „Gæti orðið eins konar húsfluga með tímanum“ Gengu út er verðlaunahafi var tilkynntur Hringvegurinn styttist við Höfn Lögreglan lýsir eftir 17 ára stúlku Bæjarstjórarnir tveir léku á harmonikku Væta víða um land fram undan Skipta um skilti eftir 24 ár Hrottalegar lýsingar á árásinni á Höfðatorgi Gengu út er verðlaunahafi var tilkynntur Greiddu hundruð þúsunda í sekt fyrir aksturinn Lögreglan lýsir eftir 17 ára stúlku Segir „ömmuna“ ekki rata um höfin Ríkislögreglustjóri segist ekki mega tjá sig Keppa við risabú Skipta um skilti eftir 24 ár Bregðast við og bíða ekki eftir ráðherra Vopnfirðingar fá veglega gjöf frá Ratcliffe Hrottalegar lýsingar á árásinni á Höfðatorgi Af hverju er fólk að selja miðana sína? Myndskeið: Glannalegur framúrakstur Gengu út er verðlaunahafi var tilkynntur Flugmaður féll í yfirlið við lendingu í Keflavík Andlát: Þráinn Eggertsson Aflýstu 17. júní vegna veðurs „Þetta er það ljótasta sem ég hef séð“ Greiddu hundruð þúsunda í sekt fyrir aksturinn „Þetta eru bara menn sem er skítsama“ Stungu af með kranabíl Nýjast á mbl.is » Hitinn gæti náð 16 stigum Kaupmáttur aukist Vita ekki hverjir skulda Andlát: Ingimar Sveinsson Hildur Vala stofnar fyrirtæki Umræðan Geimöldin í ísskápnum „Þið vitið fullkomlega hvað er í pakkanum“ Meira í Umræðunni » Fleira áhugavert Dregið verulega úr banaslysum Hrottalegar lýsingar á árásinni á Höfðatorgi „Gæti orðið eins konar húsfluga með tímanum“ Sektin getur