Íranir komu boltanum í netið eftir stórskemmtilega aukaspyrnu. Taremi skoraði en var nokkrum sentímetrum fyrir innan og markið dæmt af. Belgar voru mun meira með boltann og sóttu án afláts en sköpuðu sér ekki dauðafæri, enda varla hægt gegn gríðarþéttum varnarmúr Írana. Beirandvand átti svo eina af markvörslum mótsins. Íranir reyndu hreinsun en boltinn fór beint fyrir fætur de Cuyper sem átti skot innan markteigs. Beiranvand gerir svo ótrúlega vel í að verja þetta. Ngoy í vörn Belga gerðist sekur um slæm mistök er sending hans til baka á Courtois var allt of stutt. Ngoy togaði Taremi niður og fékk rautt spjald enda var hann aftasti maður. Þrátt fyrir að vera manni fleiri voru Belgar enn með tökin á leiknum. Belgía mætir Úrúgvæ í lokaleiknum og Íran mætir Egyptum.