Það verður nóg um að vera á rásum RÚV í dag því bæði er leikið í 8-liða úrslitum bikarkeppni karla í fótbolta og svo er heimsmeistaramót karla í fótbolta komið af stað. Fyrri leikurinn á HM í dag er viðureign Kanada og Bosníu. Kanada er ein af gestgjafaþjóðunum og því verður setningarathöfn fyrir leikinn í þessum fyrsta leik liðsins á mótinu. Kanada og Bosnía & Herzegóvína leika í B-riðli ásamt Katar og Sviss. Leikurinn fer fram í Toronto og hefst klukkan 19:00. Suður-Kórea og Tékkland eigast svo við klukkan 02:00. Liðin eru í A-riðli ásamt Mexíkó og Suður-Afríku. Leikir dagsins á HM: Kanada - Bosnía & Herzegóvína klukkan 19:00 á RÚV 2 Suður-Kórea - Tékkland klukkan 02:00 á RÚV Stofan hefst klukkan 18:15 á RÚV 2 og HM kvöld er á dagskrá eftir leik Kanada og Bosníu & Herzegóvínu. Tveir bikarslagir Úrvalsdeildarlið Breiðabliks heimsækir Ægi sem leikur í annarri deild. Breiðablik er í fjórða sæti Bestu deildarinnar með fimmtán stig eftir níu umferðir. Ægir er í tíunda sæti Lengjudeildarinnar. Leikurinn hefst klukkan 17:30. Þá verður úrvalsdeildarslagur ÍA og Víkings á dagskrá klukkan 20:15. Víkingur trónir á toppi deildarinnar með þriggja stiga forskot á KR. ÍA hefur átt fína byrjun í deildinni og er í sjötta sæti. Báðir bikarleikirnir verða sýndir á ruv.is og í RÚV appinu.