Enska úrvalsdeildarliðið Liverpool hefur rekið þjálfara sinn, Arne Slot. Þetta fullyrðir ítalski blaðamaðurinn Fabrizio Romano í færslu á X. Slot hefur stýrt Liverpool í tvö ár en hann tók við starfinu af Þjóðverjanum Jürgen Klopp. Slot gerði félagið að enskum meisturum á fyrra tímabili sínu. Gengið á nýloknu tímabili var hins vegar langt undir væntingum. Félagið endaði í 5. sæti deildarinnar og tókst rétt svo að tryggja sér sæti í Meistaradeild Evrópu á næsta tímabili. Stutt er síðan Mohammed Salah, sem er goðsögn hjá félaginu, gagnrýndi Slot nokkuð bersýnilega í færslu á Instagram og hlaut góðar undirtektir fyrrverandi og núverandi leikmanna. Arne Slot.EPA / Peter Powell