Síminn má kaupa Greiðslumiðlun Ís­lands, sem á greiðslu­lausnina Pei og inn­heimtu­fyrir­tækið Motus. Heildar­virði GMÍ í við­skiptunum nemur 3,5 milljörðum króna. Sam­keppnis­eftir­litið hefur heimilað kaup Símans á Greiðslumiðlun Ís­lands ehf., sem á og rekur greiðslu­lausnina Pei og inn­heimtu­fyrir­tækið Motus. Þetta kemur fram í kaup­hallar­til­kynningu Símans. Þar segir að Sam­keppnis­eftir­litið hafi til­kynnt félaginu í dag að stofnunin hefði lokið rannsókn á kaupunum, sem Síminn til­kynnti um 23. október síðastliðinn. Sam­keppnis­eftir­litið taldi, með hlið­sjón af fyrir­liggjandi gögnum, ekki til­efni til íhlutunar vegna kaupanna og hefur þar með lokið með­ferð málsins. Í samræmi við kaup­samning má reikna með að við­skiptin verði fram­kvæmd á næstu vikum, að öðrum skil­yrðum samningsins upp­fylltum. Síminn segist munu upp­lýsa markaðinn þegar við­skiptin hafa verið frá­gengin. Heildar­virði Greiðslumiðlunar Ís­lands í við­skiptunum nemur 3,5 milljörðum króna. Þegar Síminn til­kynnti um kaupin í október sagði félagið að kaupin myndu auka tekjur sam­stæðunnar á árs­grund­velli um ríf­lega 2,6 milljarða króna. Þá var áætlað að EBITDA myndi aukast um meira en 500 milljónir króna og að lána­safn félagsins myndi stækka um að lág­marki einn milljarð króna. Með kaupunum færist Síminn lengra inn á svið greiðslumiðlunar, fjár­mögnunar­lausna og inn­heimtuþjónustu. Pei býður greiðslu­lausnir fyrir neyt­endur og fyrir­tæki, en Motus er rót­gróið inn­heimtu­fyrir­tæki.