Arion banki fékk í byrjun júlí sátta­boð frá Fjár­mála­eftir­liti Seðla­banka Ís­lands vegna rannsóknar á mögu­legum brotum bankans gegn lögum um að­gerðir gegn markaðs­svikum. Fjár­mála­eftir­litið hefur frá apríl 2024 kannað hvort Arion banki hafi brugðist þeirri skyldu sinni að til­kynna eftir­litinu um grun­sam­leg við­skipti sem bankinn fram­kvæmdi fyrir hönd við­skipta­vina. Við­skiptin kunna sam­kvæmt upp­gjöri bankans að hafa falið í sér markaðsmis­notkun. Eftir­litið hefur jafn­framt kannað hvort bankinn hafi farið að ákvæðum laga um markaði fyrir fjár­mála­gerninga sem lúta að góðum við­skipta­háttum og vernd fjár­festa. Arion banki fékk frum­niður­stöðu rannsóknarinnar í lok mars og skilaði sjónar­miðum sínum og and­mælum í byrjun maí. Sátta­boðið barst bankanum 7. júlí. Bankinn hefur sex vikur til að taka af­stöðu til þess og segist nú hafa það til skoðunar. Ekki kemur fram í upp­gjörinu hvað felst í sátta­boðinu eða hvort því fylgi krafa um greiðslu stjórn­valds­sektar. Bankinn hefur ekki fært skuld­bindingu vegna málsins í upp­gjöri sínu. Sátta­boðið felur ekki eitt og sér í sér endan­lega niður­stöðu um að bankinn hafi brotið lög.