Sía fréttalista Sía eftir dagsetningu dd . mm . áááá – dd . mm . áááá Innlent Erlent Menning og dægurmál Íþróttir Fyrir 10 mínútumINNLENDAR FRÉTTIR Lögreglumál Leita mann­eskju vegna gruns um rán og lík­ams­árás Ingibjörg Sara Guðmundsdóttir Lögregla leitar manneskju vegna gruns um rán og líkamsárás í heimahúsi í Hafnarfirði í gærkvöldi. Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, segir að einn hafi fengið skurð á höfuð. Einhverju hafi verið stolið en rannsókn lögreglu sé á frumstigi. Hafnarfjörður. RÚV / Ragnar Visage Fyrir 10 mínútumÍÞRÓTTIR Handbolti Ferða­lag kvenna­lands­liðs­ins til Fær­eyja gengur erf­ið­lega Einar Örn Jónsson Kvennalandslið Íslands í handbolta mætir Færeyjum í mikilvægum leik í undankeppni EM 2026 á miðvikudag. Erfiðlega hefur þó gengið að komast til Færeyja vegna veðurhamsins sem gengur yfir landið. Íslenska liðið átti að fljúga með Icelandair til Vága í Færeyjum í morgun en því flugi var aflýst. HSÍ náði að bóka liðið í vél Atlantic Airways sem átti að fara undir hádegið en mikil seinkun er þegar orðin á því flugi og enn óvíst hvort það fari yfir höfuð af stað í dag. Leikurinn á miðvikudag er gríðarlega mikilvægur fyrir íslenska liðið í baráttu við Færeyjar um 2. sæti undanriðilsins, þar sem Færeyjar eru með 4 stig, eins og Portúgal, en Ísland 2. Leikmenn Íslands fagna sigrinum á Svartfjallalandi fyrr í keppninni. RÚV / Mummi Lú Fyrir 33 mínútumINNLENDAR FRÉTTIR Stjórnmál Lilja Al­freðs­dótt­ir tíma­bund­ið starfs­mað­ur þing­flokks Fram­sókn­ar Ingibjörg Sara Guðmundsdóttir Lilja Alfreðsdóttir, formaður Framsóknarflokksins, er orðin starfsmaður þingflokksins á Alþingi. Starfið er tímabundið meðan annar starfsmaður er í veikindaleyfi. Lilja segir í samtali við fréttastofu að endurskipulagning flokksins sé í fullum gangi og að verk sé að vinna í þinginu. „Það þarf allar hendur á dekk.“ Hún sé að koma inn sem formaður og aðstoða þingflokkinn. Lilja Alfreðsdóttir er orðin starfsmaður þingflokks Framsóknarflokksins á Alþingi. Starfið er tímabundið. RÚV / Ragnar Visage „Við þurfum að fara af meiri þyngd inn í efnahags- og utanríkismálin.“ Lilja telur reynslu sína sem þingmaður og ráðherra koma að góðum notum. Hún sat á þingi frá 2016 til 2024 og var á þeim tíma ráðherra fjögurra ráðuneyta. Fyrir 55 mínútumERLENDAR FRÉTTIR Sjónvarp Skuggi J.K. Rowl­ing vofir yfir nýjum þáttum um Harry Potter Fjöldi aðdáenda Harry Potter ætlar ekki að horfa á nýja þætti sem byggðir eru á fyrstu bók J.K. Rowling um galdrastrákinn fræga. Skoðanir hennar á trans fólki misbjóða þeim. Íslenskur aðdáandi ætlar að þekja öll Potter-flúrin sín í mótmælaskyni. Fyrir 1 tímaERLENDAR FRÉTTIR Stríð í Mið-Austurlöndum Frið­ar­til­lög­ur á borð­inu sem gætu tekið gildi í dag Stjórnvöld í Bandaríkjunum og Íran eru sögð hafa friðartillögur til skoðunar, sem gætu komið á vopnahléi strax í dag. Sömuleiðis eru drögin sögð kveða á um opnun Hormússunds. Fyrir 2 tímumÍÞRÓTTIR Fótbolti Í dag: 32-liða úr­slit­um lýkur með tveim­ur granna­slög­um Í dag lýkur 32-liða úrslitum bikarkeppni karla í fótbolta með fimm leikjum. RÚV sýnir beint frá Suðurnesja- og Reykjavíkurslag. Fyrir 2 tímumERLENDAR FRÉTTIR Stríð í Mið-Austurlöndum Yf­ir­mað­ur leyni­þjón­ustu ír­anska bylt­ing­ar­varð­ar­ins allur Íranski byltingarvörðurinn segir yfirmann stofnunarinnar hafa verið felldan í árás Bandaríkjanna og Ísrael. Hótanir ganga á víxl milli Bandaríkjastjórnar og Írana en erindrekar eru sagðir ræða skilmála 45 daga vopnahlés. Fyrir 3 tímumINNLENDAR FRÉTTIR Veður Helstu leiðum við höf­uð­borg­ar­svæð­ið lokað og flugi aflýst síð­deg­is Veðurstofa Íslands hefur gefið út gular og appelsínugular viðvaranir um allt land í dag. Fyrstu gulu viðvaranir taka gildi syðst á landinu klukkan 7:00. Appelsínugul viðvörun tekur gildi á Suðausturlandi klukkan 11:00 og klukkan 14:00 verða appelsínugular viðvaranir í gildi á öllum suðurhelmingi landsins. Viðvaranir gilda þar til seint í kvöld og þær síðustu falla úr gildi á norðaustanverðu landinu í nótt. Öllu innanlandsflugi hefur verið aflýst og miklar raskanir verða á millilandaflugi. Fjöldi vega verður á óvissustigi og gæti þeim verið lokað með skömmum fyrirvara. Hringvegurinn er lokaður frá Markarfljóti til Öræfasveitar. Holtavörðuheiði verður lokað klukkan 12:00 og Krýsuvíkurvegi verður lokað klukkan 10:00. FRÉTTAVAKT Fyrir 4 tímumMENNING OG DÆGURMÁL Mannlíf Minn­ast mann­skæð­asta elds­voða 20. aldar: Ólýs­an­leg­ur missir sem aldrei var hægt að nefna upp­hátt Árið 1935 varð eldur laus á jólatrésskemmtun barna í samkomuhúsinu Skildi í Keflavík. Tíu manns létu lífið, þar af sjö börn. Sorgin var lamandi fyrir samfélagið og var atburðurinn lengi hjúpaður þögn. Fyrir 4 tímumMENNING OG DÆGURMÁL Bretland Gos­drykkja­fram­leið­andi hættir við að fjár­magna tón­list­ar­há­tíð í Lund­ún­um — rakið til þátt­töku Kanye West Gosdrykkjaframleiðandi verður ekki aðalbakhjarl tónlistarhátíðar í Lundúnum eftir að tíðindi bárust af þátttöku Kanye West sem hefur vakið reiði fyrir gyðingaandúð og fylgispekt við nasisma. Hann hefur beðist afsökunar og kennt veikindum um orð sín. Fyrir 4 tímumINNLENDAR FRÉTTIR Veður „Þetta er kannski meira svona eins og þorra­veð­ur“ Veðurfræðingur hjá Veðurstofu Íslands segir þegar tekið að blása og að hvasst verði í allan dag og fram á morgundaginn. Hann segir veðrið helst líkjast þorraveðri en þá hafi lægðir ekki skilað sér. Veðrið verði býsna slæmt. Fyrir 5 tímumERLENDAR FRÉTTIR Stríð í Mið-Austurlöndum Minnst 13 al­menn­ir borg­arar drepn­ir í loft­árás á Te­her­an og tveir í ísra­elsku borg­inni Haífa Sex börn voru drepin í loftárás Bandaríkjanna og Ísraels á Teheran í morgun. Vitað er að 13 týndu lífi í loftárás á úthverfi. Minnst tveir voru drepnir í loftárás á ísraelsku borgina Haífa og fleiri leitað. Eldflaugum ringdi yfir Persaflóaflóaríki. Fyrir 7 tímumERLENDAR FRÉTTIR Efnahagsmál OPEC+ ríkin hækka fram­leiðslu­kvóta fyrir hrá­ol­íu í maí Framleiðsla á hráolíu verður aukin um 206 þúsund tunnur á dag frá og með maí samkvæmt sameiginlegri ákvörðun OPEC+ ríkjanna. Þau hvetja jafnframt til opnunar siglingaleiða með olíu og gas. Viðgerðir á laskaðri olíuvinnslu séu langvinnar og dýrar. Fyrir 7 tímumERLENDAR FRÉTTIR Alþjóðamál Úkra­ínu­menn saka Rússa um að svið­setja fyr­ir­hug­að skemmd­ar­verk á gas­leiðslu í Serbíu Úkraínumenn segja Rússa hafa sviðsett fyrirhugað sprengjutilræði við Balkan-gasleiðsluna í Serbíu til að til að bæta stöðu forsætisráðherra Ungverjalands fyrir kosningar þar í landi. Sá ýjaði að sekt Úkraínumanna sem vildu stöðva orkuflutninga. Fyrir 8 tímumERLENDAR FRÉTTIR Stríð í Mið-Austurlöndum Ol­íu­verð hækkar enn í skugga hótana Banda­ríkja­for­seta um stór­felld­ar árásir á inn­viði Írans Verð á hráolíu hækkaði enn í morgun eftir yfirlýsingar Bandaríkjaforseta um að stórfelldar árásir verði gerðar á íranska innviði semji stjórnvöld ekki um stríðslok og opni Hormússund. Íranar hóta enn meiri hörku á móti. Fyrir 9 tímumERLENDAR FRÉTTIR Tækni og vísindi Há­punkti Art­em­is-leið­ang­urs­ins náð í dag þegar geim­far­ið flýgur um­hverf­is tungl­ið Hápunktur Artemis II leiðangursins er í dag þegar Orion-farið með fjóra geimfara innanborðs flýgur umhverfis tunglið í meiri fjarlægð en nokkur maður hefur ferðast áður. Almenningur hefur margvíslega möguleika á að fylgjast með ævintýrinu. 6. apríl 2026 kl. 1:10INNLENDAR FRÉTTIR Veður Aukið við­bragð í Grinda­vík vegna veðurs og óvissu um eldgos Aukið viðbragð verður í Grindavík, vegna veðurs og óvissu vegna mögulegrar eldgosshættu. Icelandair hefur aflýst og flutt til flugferðir og röskun verður á siglingum Herjólfs. Vegum á Suðausturlandi verður lokað snemma og fleiri lokanir eru boðaðar. 5. apríl 2026 kl. 23:23ERLENDAR FRÉTTIR Stríð í Mið-Austurlöndum Björg­un banda­ríska her­manns­ins var gríð­ar­flók­in og kostn­að­ar­söm í pen­ing­um talið Nokkrar bandarískar flugvélar voru eyðilagðar meðan á björgun hermanns úr F-15 orrustuþotu stóð seinustu nótt. Aðgerðinni er lýst sem mjög flókinni og verulega kostnaðarsamri. Hundruð sérsveitarmanna og tugir flugvéla voru notaðir við aðgerðina. 5. apríl 2026 kl. 22:36ERLENDAR FRÉTTIR Íran Net­lok­un Írans sú lengsta í sög­unni Íranska þjóðin hefur nú verið án internets í yfir 864 klukkustundir. Samkvæmt Netblocks er lokunin sú langlengsta sem skráð hefur verið. 5. apríl 2026 kl. 22:26INNLENDAR FRÉTTIR Suðurland Bíl­velta á Hell­is­heiði Guðmundur Atli Hlynsson Ökumaður velti bíl á Hellisheiði í kvöld. Lögreglunni á Suðurlandi barst tilkynning um umferðaróhappið um 21:20. Einar Sigurjónsson aðalvarðstjóri hjá Lögreglunni á Suðurlandi staðfestir þetta. Einar segir engan hafa slasast við bílveltuna. Sjúkrabíll hafi verið kallaður á vettvang en enginn þó verið fluttur á sjúkrahús. Hann segir að bílveltan eigi ekki að valda umferðartöfum á Hellisheiði. Samkvæmt myndskeiði frá vettvangi er töluverð bílaröð á heiðinni en fjöldi fólks er á heimleið úr páskafríi vegna óveðursins á morgun. Einar segir umferð þó heilt yfir hafa gengið vel í kvöld. Ökumaður valt bíl sínum á Hellisheiði. RÚV / Ragnar Visage 5. apríl 2026 kl. 21:25INNLENDAR FRÉTTIR Hestar 5 ára og stað­ráð­in í að verða hesta­kona Fimm ára hestastelpa fór rakleiðis í hesthúsið með fjölskyldunni eftir að hafa opnað páskaeggið í morgun. Hún ríður meðal annars út á verðlauna stóðhesti og er staðráðin í að verða hestakona. 5. apríl 2026 kl. 21:22INNLENDAR FRÉTTIR Samgöngur Óveðr­ið hefur áhrif á flug­áætl­un Ic­elandair Guðmundur Atli Hlynsson Icelandair hefur aflýst fjórum flugferðum á morgun og er það gert vegna veðurs. Appelsínugul viðvörun tekur gildi á Suðurlandi á hádegi á morgun vegna mikils hvassviðris og stórhríðar. Ásdís Ýr Pétursdóttir, forstöðumaður samskipta hjá Icelandair, segir alþjóðaflug á áætlun í fyrramálið. Síðla morguns hafi áætlun tekið einhverjum breytingum. Fylgst verði með veðrinu og gerðar viðeigandi ráðstafanir. Samkvæmt vef Keflavíkurflugvallar hefur ferðum Icelandair til Kaupmannahafnar klukkan 10:45, til Amsterdam klukkan 10:50, til Stokkhólms kl. 11 og til Narsaruaq á Grænl